World Photographic Cup

Á næsta ári fer fram heimsmeistarakeppni í ljósmyndun hér á Íslandi á vegum World Photography Cup (WPC).

Ljósmyndarafélag Íslands hyggst því setja saman öflugt úrvalslið íslenskra ljósmyndara til þátttöku í keppninni. Liðsstjórn fyrir Landslið Íslands í ljósmyndun er í höndum félagsins.

Við teljum okkur svo sannarlega eiga fullt erindi í slíka keppni og höfum þegar valið nokkra ljósmyndara sem koma til greina í lið Íslands. Þátttaka í þessu verkefni getur sett okkur á kortið á alþjóðavísu og opnað ný tækifæri fyrir íslenska ljósmyndun.

ATHUGIÐ: Ekki er skilyrði að vera félagsmaður í Ljósmyndarafélaginu til að vera í liðinu. Við viljum heyra frá sem flestum áhugasömum ljósmyndurum, fá ykkar sjónarmið og tillögur um hverjir ættu að skipa þetta landslið. Einu skilyrðin eru að allir í liðinu starfi að einhverju eða öllu leyti sem ljósmyndarar og fylgi faglegum stöðlum í starfi sínu.

 Flokkarnir í keppninni eru alls 10:

• Commercial

• Illustration / Digital Art

• Nature / Landscape

• Nature / Wildlife

• Illustrative Portrait

• Natural Portrait

• Reportage / Photojournalism

• Sports

• Wedding Open

• Wedding Reportage (Photojournalism)

Bæði eru veitt verðlaun til einstakra ljósmyndara og einnig fyrir árangur liðanna í heild. Nánari upplýsingar um keppnina má finna HÉR

Við hvetjum þig, kæri ljósmyndari, til að hafa samband ef þú hefur áhuga á að taka þátt í liðsvali eða ert sjálfur tilbúinn að taka slaginn á heimsvísu. Hægt er að senda okkur tölvupost á stjorn@ljosmyndarafelag.is

Endilega deilið þessum pósti með öðrum ljósmyndurum sem gætu haft áhuga!