Síðan 1926 hefur Ljósmyndarafélag Íslands verið vettvangur atvinnuljósmyndara á Íslandi.
Tilgangur félagsins
Ljósmyndarafélagi Íslands er ætlað að vera samvinnuvettvangur allra atvinnuljósmyndara á Íslandi. Í því felst meðal annars að standa fyrir fyrirlestrum og fræðslu, halda sýningar og samkomur fyrir ljósmyndara, standa vörð um atvinnuréttindi, efla samvinnu meðal ljósmyndara og stuðla að heilbrigðri samkeppni á ljósmyndamarkaði á Íslandi. Einnig ber félaginu að vera ráðgefandi fyrir opinbera aðila og aðra þegar kemur að faginu og styðja við menntun og fræðslu. Mikilvægi Ljósmyndarafélags Íslands sem samtakavettvangs atvinnuljósmyndara á Íslandi er síst mikilvægara nú en þegar það var stofnað árið 1926 og á að vera leiðandi afl í ljósmyndun sem faggrein á Íslandi um ókomna tíð.
Okkur ber:
Að vera vettvangur ljósmyndara til að miðla reynslu og þekkingu.
Að styðja við menntun og endurnýjun fagfólks í ljósmyndun á Íslandi.
Að stuðla að upplýstri umræðu um ljósmyndun og ljósmyndatengd málefni.
Að vera bakland atvinnuljósmyndara og samstarfsvettvangur.
Að hafa áhrif á framþróun og farsæld ljósmyndunar sem atvinnugreinar á Íslandi.
Breyttar reglur um inngöngu í Ljósmyndarafélag Íslands
Á Íslandi er ljósmyndun flokkuð sem lögverndað fag, sem þýðir að til að ljúka námi í ljósmyndun formlega þurfa nemendur að fara í sveinspróf og ljúka samningi undir handleiðslu meistara í ljósmyndun. Þó að þetta kerfi hafi upphaflega verið ætlað til að viðhalda faglegum gæðum, hefur það á síðustu árum gert útskriftarnemum sífellt erfiðara fyrir að ljúka námi, einfaldlega vegna þess að of fáir meistarar eru tiltækir til að taka að sér nema.
Í ljósi þessarar áskorunar hefur Ljósmyndarafélag Íslands tekið þá ákvörðun að færa sig frá þessu kerfi. Við höfum því opnað félagið fyrir öllum starfandi ljósmyndurum á Íslandi, óháð því hvort þeir hafi lokið hefðbundnu sveinsnámi, svo framarlega sem þeir uppfylli skýran mælikvarða á fagleg vinnubrögð og starfi sannarlega sem ljósmyndarar að einhverju eða öllu leyti.
Markmið okkar er að styðja við, standa vörð um og efla ljósmyndasamfélagið á Íslandi með því að einbeita okkur að gæðum og fagmennsku, en ekki úreltum kerfum sem takmarka aðgengi að greininni.