STJÓRN LJÓSMYNDARAFÉLAGS ÍSLANDS SKIPA
Guðmundur Viðarsson
Guðmundur (Gummi) er nýkjörinn formaður félagsins á aðalfundi 27. mars 2023. Nam Ljósmyndun við Brooks Institute of Photography í Santa Barbara í Ameríku. Útskrifaðist þaðan 1988 með BA diploma í faginu með sérhæfingu í auglýsingaljósmyndun og litmyndafræði. Með sveinspróf í ljósmyndun og meistararéttindi í faginu. Formaður sveinsprófsnefndar í ljósmyndun, og gætir hagsmuna atvinnuljósmyndara með setu í stjórn Myndstef. Sinnir fjölbreyttum ljósmyndaverkefnum alla daga.
Sími 844 8090
Rán Bjargardóttir
Rán útskrifaðist sem ljósmyndari frá Tækniskólanum vorið 2017 og starfar í eigin rekstri undir nafninu Rán Bjargar Photography. Hún hefur farið á fjölmörg ljósmyndanámskeið víðsvegar í heiminum þar sem hún hefur hlotið mikla sérþekkingu í myndatökum af nýfæddum börnum og starfar einna helst við það. Hún tekur þó að sér ýmis hliðarverkefni og er alltaf í stuði.
Ólína Kristín Margeirsdóttir
Ólína er ný í stjórn félagsins. Hún lauk námi í grafískri miðlun haustið 2006 og ljósmyndanámi árið 2007 frá Iðnskólanum í Reykjavík. Hóf námssamning á ljósmyndastofunni Ásmynd og flutti sig svo yfir á Barna- og fjölskylduljósmyndir um sumarið 2008 sem lauk með sveinsprófi í lok árs 2008.
Opnaði eigin ljósmyndastofu árið 2009 í bílskúrnum við heimili sitt og lengi vel með stúdíóið sitt þar. Fluttist síðan yfir í Þverholt 5 í rúmgott, hlýlegt og þægilegt stúdíó.
Ólína kemur með frábæra þekkingu inní stjórn félagsins og styður við starf félagsins með sínu innsæi.
gunnar leifur
er reynslumikil ljósmyndari og rekur ljósmyndastofuna Barna- og fjölskyldu ljósmyndir/ ljosmyndir.net í Núpalind. Gunnar er maður margra hatta og var fyrir margt löngu formaður Ljósmyndarafélagsins og þekkir bransan út og inn. Öflugur liðsmaður í stjórn félagsins.
Anton BJARNI ALFREÐSSON
Anton lærði ljósmyndun í Tækniskólanum. Sinnir persónulegum ljósmynda verkefnum og hefur afburða þekkingu á ljósmyndatækni.
Anna Kristín Scheving
Anna Kristín lærði ljósmyndun í Iðnskólanum í Reykjavík og útskrifaðist þaðan árið 2007. Anna Kristín hefur viðað að sér þekkingu með hinum ýmsu námskeiðum í gegnum árin. Hún rekur ljósmyndaþjónustuna Anna Kristín Ljósmyndun og myndar einna helst börn og fjölskyldur en tekur að sér alls kyns ljósmyndaverkefni. Hún er alltaf brosandi og alltaf glöð og hreint út sagt frábær viðbót við okkur hin.
Heimasíða: www.aksljosmyndun.com