Sjónarhorn Atla

Skrifað af Kristjan

SAMSTAÐA

Kjara- og réttindadeila á milli danskra blaðamanna og ljósmyndara og Allers Media útgáfusamsteypunnar getur farið í strand ef ekki verði samið fyrir 1 mars n.k.

 Viðsemjendur kollega okkar í Danmörku vilja eignast öll réttindi án frekari endurgjalds fyrir hvaða notkun sem kæmi til eftir frumbirtingu svo og óhefta ráðstöfun til þriðja aðila.  Það stendur sem sé stál í stál og því miður eru afar litlar líkur á því að samningar náist. Þá munu danskir félagar okkar fara í verkfall í upphaf næsta mánaðar.   Við hugsum með hryllingi til þess ef eins færi fyrir okkur að viðsemjendur gerðu tilkall til sömu réttindá án frekari endurgjalds.   Þessvegna viljum og verðum við að styðja þá heilshugar í þeirra kjara- og réttindabaráttu.  

Við mælumst til að okkar félagsmenn reyndar allir íslenskir ljósmyndarar sýna viljann í verki  með því að fara alls ekki til Danmerkur til að ganga í störf sem gætu ”losnað”.   Vinsamlegast látið alla í kringum ykkur frétta af stuðningi okkar.  

Einnig er því beint til íslenskra útgefenda að þeir kaupi ekki efni frá Allers-samsteypunni ef samningar takast ekki.  

Upplýsingar um gang mála verða síðan birt á vefnum www.ljosmyndarafelag.is . F.H. Ljósmyndarafélag Íslands aðila að Samtökum Íðnaðarins

Lárus Karl Íngason Mats Wibe Lund formaður alþjóða tengiliður

Ofnannefnd ályktun var samþykkt á stjórnarfundi Ljósmyndarafélag Íslands haldin 19.2.2010.

Skrifað af Kristjan

Áhugaljósmyndari dæmdur í Keflavík

Dómur er nú falinn í máli ríkissaksóknara gegn áhugaljósmyndara í Keflavík sem hóf rekstur án tilskilinna leyfa.

í dómsorði segir:

Mál þetta, sem dómtekið var fyrr í dag, var höfðað með ákæru ríkissaksóknara dagsettri 30. júní 2009, gegn K í Reykjanesbæ, fyrir brot gegn iðnaðarlögum, með því að hafa fyrripart árs 2009 rekið á heimili sínu löggilta iðngrein í atvinnuskyni án þess að hafa til þess iðnaðarleyfi, án forstöðu meistara og án þess að hafa rétt til að starfa í iðngreininni, en ákærða, sem auglýsti ljósmyndastarfsemi á vefsíðunni kcmyndir.com, tók í mörg skipti ljósmyndir sem hún vann úr og afhenti öðrum gegn gjaldi.
Telst þetta varða við 1. mgr. 2. gr. og 1. og 3. mgr. 8. gr., sbr. 1., 3., og 4. tl. 15. gr. iðnaðarlaga nr. 42/1978, sbr. reglugerð nr. 940/1999 um löggiltar iðngreinar.
Þess er krafist að ákærða verði dæmd til refsingar og greiðslu sakarkostnaðar“.

Það er því staðfest enn og aftur að lögin skulu standa og að nú er fjödi áhugamanna með ólöglegan rekstur í gangi. í kjölfarið á þessum dómi þurfa ljósmyndarar að taka ákvörðun um næstu skref.

Dómurinn allur:

D Ó M U R
Héraðsdóms Reykjaness fimmtudaginn 15. október 2009 í máli nr. S-666/2009:
Ákæruvaldið
(Júlíus Kristinn Magnússon fulltrúi)
gegn
K


Mál þetta, sem dómtekið var fyrr í dag, var höfðað með ákæru ríkissaksóknara dagsettri 30. júní 2009, gegn K, Reykjanesbæ, ,,fyrir brot gegn iðnaðarlögum, með því að hafa fyrripart árs 2009 rekið á heimili sínu löggilta iðngrein í atvinnuskyni án þess að hafa til þess iðnaðarleyfi, án forstöðu meistara og án þess að hafa rétt til að starfa í iðngreininni, en ákærða, sem auglýsti ljósmyndastarfsemi á vefsíðunni kcmyndir.com, tók í mörg skipti ljósmyndir sem hún vann úr og afhenti öðrum gegn gjaldi.
Telst þetta varða við 1. mgr. 2. gr. og 1. og 3. mgr. 8. gr., sbr. 1., 3., og 4. tl. 15. gr. iðnaðarlaga nr. 42/1978, sbr. reglugerð nr. 940/1999 um löggiltar iðngreinar.
Þess er krafist að ákærða verði dæmd til refsingar og greiðslu sakarkostnaðar“.
Ákærða hefur ekki sótt þing og ekki boðað forföll. Er dómur nú lagður á málið samkvæmt heimild í 1. mgr. 126. gr. laga nr. 19/1991 um meðferð opinberra mála, enda var þess getið í fyrirkalli, sem ákærðu var sjálfri birt lögum samkvæmt, að svo mætti fara með málið. Telst ákærða hafa gerst sek um þá háttsemi sem í ákæru greinir og þar er rétt heimfærð til refsiákvæða. Verður ákærða því sakfelld eins og krafist er í ákæru.
Samkvæmt sakavottorði hefur ákærða ekki áður gerst sek um refsiverðan verknað. Að þessu virtu þykir refsing ákærðu hæfilega ákveðin 50.000 króna sekt til ríkissjóðs og komi fangelsi í 4 daga í sektar stað, verði hún eigi greidd innan fjögurra vikna frá birtingu dóms þessa.
Engan sakarkostnað leiddi af meðferð málsins.
Arnfríður Einarsdóttir héraðsdómari kvað upp dóm þennan.

D ó m s o r ð :
Ákærða, K, greiði 50.000 króna sekt til ríkissjóðs innan fjögurra vikna frá uppkvaðningu dóms þessa að telja, en sæti ella fangelsi í 4 daga.
Engan sakarkostnað leiddi af málinu   

Dómurinn á PDF formi

Skrifað af Kristjan

Sjonarhorn fyrirlestraröð ljósmyndarafélags íslands kynnir Convoy eftir Friðrik Örn

Sjonarhorn fyrirlestraröð ljósmyndarafélags íslands kynnir

Skrifað af Kristjan